Lucid va Bolt Yevropada 25 ming robotaksi ishga tushirmoqchi

Haydovchisiz avtomobillar Nvidia Hyperion arxitekturasida ishlaydi va 4-darajali avtonom boshqaruvga mo'ljallangan.

17-sentyabr kuni elektromobil ishlab chiqaruvchi Lucid va taksi xizmati Bolt hamkorlikni e'lon qildi: Bolt Yevropa shaharlarida kamida 25 000 ta to'liq avtonom avtomobilni ishga tushirishni rejalashtirmoqda.

Avtomobillar Lucid'ning yangi o'rta o'lchamli platformasida quriladi va Nvidia Hyperion arxitekturasida ishlaydi. Ular SAE 4-darajasiga mo'ljallangan — ya'ni belgilangan sharoitda rulda odamsiz yura oladi.

Robotaksilar qachon xizmatga kirishi hali aytilmagan. Bolt 2035-yilgacha platformasida 100 ming avtonom avtomobil bo'lishini maqsad qilgan.

Manbalar: Engadget, Claims Journal, Yahoo Finance